5:11 AM
ი ც ე კ ვ ე ! ..
მე დაგხატავ თუ გინდა.
მოდი ჩემთან — იცეკვე!

მოგატყუეს გოგონავ?
წამიკითხე — იცეკვე!

მესაუბრე ქუჩაში,
წადი სახლში — იცეკვე!

შენც თუკი არეული
ფსიქიკა გაქვს — იცეკვე!

უბრალოდ მე ლექსს დავწერ,
შენ კი მხოლოდ იცეკვებ!

ნუ იფიქრებ სიკვდილზე,
გესმის ჩემი? — იცეკვე!

ჩემი მსგავსი შეშლილი
გამოჩნდი და იცეკვე!

უბრალოდ მე ვებრძვი თავს
გავიმარჯვებ — ვიცეკვებ!

შენს თავში იკეტები,
გიკაკუნებ — იცეკვე!

კაკუნის მელოდიას
გიმეორებ — იცეკვე!

გამოდი ნაჭუჭიდან
დაამსხვრიე — იცეკვე!

დაივიწყე ტკივილი
სევდა, ცრემლი — იცეკვე!

თვითონ მე ვარ მუსიკა
ამიწიე — იცეკვე!

პირჯვრის გადაწერისას
პაუზა და იცეკვე!

ხელი, ფეხი, კისერი,
ტანი გტკივა? — იცეკვე!

და თუ ისევ შემიგრძნობ,
ჩემი გჯერა — იცეკვე!

გული უკვე დაშლილი
ღვიძლივით მაქვს — იცეკვე!

მაგრამ მე არ ვჩერდები
არ გაჩერდე — მეცეკვე!

სადაც არ უნდა იყო,
ვყვირი, მჯერა რომ გესმის,

ბოლო ამოსუნთქვამდე
უკანასკნელ ფეთქვამდე

უკანასკნელ შეშლილთან
შენ ბოლოჯერ იცეკვებ!..
კატეგორია: ლექსები | ნანახია: 474 | დაამატა: nikadzamiashvili | ტეგები: ცეკვა, პაუზა, პორტრეტი, ნაჭუჭი, დახატვა, ფსიქიკა, მუსიკა, სიკვდილი, პირჯვარი, ლექსი, ტანი, სიცოცხლე, არ გაჩერდე, გოგონა, ფეხი, ტკივილი, გამარჯვება, მელოდია, ჭკუიდან შეშლა, ქუჩა, იცეკვე, კისერი, კაკუნი, ხელი, გულის ფეთქვა | რეიტინგი: 0.0/0
სულ კომენტარები: 0
avatar